Additional Reading Unit 13

Cover
Introduction
Main Index
Further Study

Unit 12

Unit 14

Key to Unit 13




    Caesariana

  1. Pompeiani crates pro munitione obiectas propulerunt ut fossas transcenderent.

  2. Hos montes intrare cupiebant ut equitatum effugerent Caesaris praesidiisque in angustiis collocatis exercitum itinere prohiberent, ipsi sine periculo ac timore Hiberum copias traducerent.

  3. Erat inter bina castra campus circiter trium milium passuum.

  4. Pompeius erat eo tempore in Candavia iterque ex Macedonia in hiberna Apolloniam Dyrrachiumque habebat. sed re nova perturbatus magnis itineribus Apolloniam petivit ne Caesar orae maritimae civitates occuparet.

  5. His tot rebus impedita oppugnatione milites continenti labore omnia haec superaverunt et diebus XXV aggerem latum pedes CCCXXX, altum pedes LXXX exstruxerunt.

  6. Nonnulli militum pudore adducti, ut timoris suspicionem vitarent, remanebant.

  7. Caesar C. Fabium legatum et L. Minucium Basilum cum legionibus duabus in Remis collocat ne quam a finitimis calamitatem accipiant.

  8. Ab his castris oppidum Remorum, nomine Bibrax, aberat milia passuum octo.

  9. Caesar triplici instructa acie usque ad castra hostium accessit. tum demum necessario Germani suas copias e castris eduxerunt generatimque constituerunt paribus intervallis, Harudes, Marcomanos, Tribocos, Vangiones, Nemetes, Sedusios, Suebos, omnemque aciem suam raedis et carris circumdederunt ne qua spes in fuga esset.

  10. Pompeius autem, ut famam opinionemque hominum teneret, pro castris exercitum constituebat.

  11. Massilienses post hoc incommodum veteres ad eundem numerum ex navalibus productas naves refecerant summaque industria armaverant piscatoriasque adiecerant atque contexerant ut essent ab ictu telorum remiges tuti: has sagittariis tormentisque compleverunt.

  12. Pompey in defeat flees to Egypt

    Quibus cognitis rebus Pompeius, aeris magno pondere ad militarem usum in navis imposito duobusque milibus hominum armatis, Pelusium pervenit. ibi casu rex erat Ptolomaeus, puer aetate, magnis copiis cum sorore Cleopatra bellum gerens, quam paucis ante mensibus per suos propinquos atque amicos e regno expulerat.
__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _
(c) Gavin Betts 2000