Additional Reading Unit 18
Cover
Introduction
Main Index
Further Study
Unit 17
Unit 19
Key to Unit 18

  1. Proximo die instituto suo Caesar e castris utrisque copias suas eduxit paulumque progressus aciem instruxit hostibusque pugnandi potestatem fecit.

  2. Cum iam muro turres appropinquavissent, ex captivis Caesar comperit Vercingetorigem consumpto pabulo castra movisse atque ipsum cum equitatu expeditisque militibus insidiandi causa eo profectum quo nostros postero die pabulatum venturos arbitraretur.

  3. The perfidious Gaul

    Istasne nationes (sc. of the Gauls) religione iuris iurandi ac metu deorum immortalium in testimoniis dicendis commoveri arbitramini? quae tantum a ceterarum gentium more ac natura dissentiunt, quod ceterae pro religionibus suis bella suscipiunt, istae contra omnium religiones: illae in bellis gerendis ab dis immortalibus pacem ac veniam petunt, istae cum ipsis dis immortalibus bella gesserunt. hae sunt nationes quae quondam tam longe ab suis sedibus Delphos usque ad Apollinem Pythium atque ad oraculum orbis terrae vexandum ac spoliandum profectae sunt: ab isdem gentibus sanctis et in testimonio religiosis obsessum Capitolium est atque ille Iuppiter, cuius nomine maiores nostri vinctam testimoniorum fidem esse voluerunt. postremo his quicquam sanctum ac religiosum videri potest, qui, etiamsi quando aliquo metu adducti deos placandos esse arbitrantur, humanis hostiis eorum aras ac templa funestant?



    Proverbs and proverbial expressions

  4. Superanda omnis fortuna ferendo est.

  5. Amantis ius iurandum poenam non habet.

  6. Nihil agendo homines male agere discunt.

  7. Clavo clavus non eiciendus est.

  8. Gutta cavat lapidem non vi sed saepe cadendo.

  9. Legere et non intellegere neglegere est.

  10. Quid aliud agimus docendo pueros nisi ne docendi semper sint?

  11. Beneficia tacite danda sunt.

  12. Abstinenda vis regibus.

  13. Non tentanda sunt quae effici omnino non possunt.

  14. Damnum appellandum est cum mala fama lucrum.

  15. Pictoribus atque poetis quidlibet audendi semper fuit aequa potestas.

  16. A verbis legis non est recedendum.

  17. Ubi leonis pellis deficit, vulpina induenda est.

  18. Dicendo dicere discunt.

  19. Cum adsit ursus, vestigia non quaerenda sunt.

  20. Temulentus dormiens non est excitandus

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _
(c) Gavin Betts 2000