Additional Reading Unit 15
Cover
Introduction
Main Index
Further Study
Unit 14
Unit 16
Key to Unit 15

  1. Aeneas weeps over the death of Pallas, son of Evander, who had been sent as an ally in Aeneas's war against Turnus

     Sic ait (lit. he speaks) inlacrimans, recipitque ad limina gressum
    corpus ubi exanimi positum Pallantis Acoetes
    servabat senior, qui Parrhasio Euandro
    armiger ante fuit sed non felicibus aeque
    tum comes auspiciis caro datus ibat alumno.


    (Take non aeque felicibus auspiciis together; lit. with not equally happy auspices, abl. of attendant circumstances, 28.1/2j)

  2. The scene of the single combat between Aeneas and Turnus

     Forte sacer Fauno foliis oleaster amaris
    hic steterat, nautis olim venerabile lignum,
    servati ex undis ubi figere dona solebant
    Laurenti divo et votas suspendere vestis:
    sed stirpem Teucri nullo discrimine sacrum
    sustulerant, puro ut possent concurrere campo.

  3. Caesar builds a second bridge over the Rhine

    Caesar, postquam ex Menapiis in Treveros venit, duabus de causis Rhenum transire constituit: quarum una erat quod Germani auxilia Treveris miserant, altera ne ad eos Ambiorix receptum haberet. his constitutis rebus, paulo supra eum locum quo ante exercitum traduxerat facere pontem instituit. nota atque instituta ratione magno militum studio paucis diebus opus efficitur. firmo in Treveris ad pontem praesidio relicto, ne quis ab his subito motus oriretur, reliquas copias equitatumque traducit.


    Proverbs and proverbial expressions

  4. Fortuna obesse nulli contenta est semel.

  5. Altera manu fert lapidem, altera panem ostentat.

  6. Stulti timent Fortunam, sapientes ferunt.

  7. Cito fit quod di volunt.

  8. Nobilis equus umbra quoque virgae regitur, ignavus ne calcari quidem concitari potest.

  9. Desunt inopiae multa, avaritiae omnia.

  10. Abeunt studia in mores.

  11. Dives qui fieri vult, et cito vult fieri.

  12. Et qui nolunt occidere quemquam, posse volunt.

  13. Leve fit, quod bene fertur, onus.

  14. Male facere qui vult, numquam non causam invenit.

  15. Nemo regere potest, nisi qui et regi.

  16. Blanditia, non imperio, fit dulcis Venus.

  17. Cuique potest accidere quod cuiquam potest.

  18. Si ianua tenebitur incendio, per parietem exibimus.

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _
(c) Gavin Betts 2000